Oberschlesien

Dzisioj zaś się poaszymy Chopcami z Wonglo, bo chcemy Wom pokozać noszych ślonskich synków, co kedyś do Warszawy pociśli, i pokozali cołkij Polsce, że idzie o Ślonsku i po noszymu śpjywać trocha inaczy niż to co znocie ze Radia Piekary.Pojechali, pokozali swoje i we finale MustBe TheMusic zagrali.Dzisiej chopcy som zalotane fest, koncetrujom , nagrywajom, ale pedzieli, że znojdom chwila coby się zdjyncia szczelić i w kalendorzu pokozać.To som one: Oberschlesien – https://www.facebook.com/OberschlesienzespolTych synków terozki kożdy chyba już zno – gorole i hanysy,i cołkim bajtle, i mode i starzyki. Mode czasym godajom, że to taki ślonski Rammstein, a nojpewnij niejedna Oma by pedzieli „ Jezderkusie! Kule bele!, co to za szarpidruty!” – ale ino tak godajom – bo przeca na cośik pieronować muszom , a jak przidzie co do czego – to tyż znajom łod nich pieśniczkiŁonych granie jest czorne choby wongel na przodku, i gorkie choby kedyś wielki piec we hucie Kościuszki, co go było widać jak się bankom jechało.

I dejcie pozor w doma, bo czeba ich po cichu suchać, coby puc z gipsdeki sie nie suł, bo to taki klang jest.

A jak ftoś boł na ich koncercie to pewnie widzioł, że zawsze fojerwera stoć wele scyny musi, skiż tego że łogień leci durś i dymu się kopci pierzińsko.

I słowko do tych co to po Ślonsku nie poradzom godać: ni gorszcie się, że my tak dzisiej po noszymu – ale przeca o tych chłopcach inaczyj nie idzie. Pra?

foto: zaczerpnięte z fun page’a zespołu

942861_479751958761098_402136013_n

Reklamy

Skomentuj

Wprowadź swoje dane lub kliknij jedną z tych ikon, aby się zalogować:

Logo WordPress.com

Komentujesz korzystając z konta WordPress.com. Wyloguj /  Zmień )

Zdjęcie na Google+

Komentujesz korzystając z konta Google+. Wyloguj /  Zmień )

Zdjęcie z Twittera

Komentujesz korzystając z konta Twitter. Wyloguj /  Zmień )

Zdjęcie na Facebooku

Komentujesz korzystając z konta Facebook. Wyloguj /  Zmień )

Połączenie z %s